Çykyş ediji barada

Ismadi Bin Ismail

Baş ýerine ýetiriji direktor PETRONAS Çarigali (Türkmenistan) Sdn Bhd

2023-nji ýylyň 1-nji aprelinden şu güne çenli Ismadi Ismail “PETRONAS Çarigali (Türkmenistan) Sdn Bhd” (“PÇ(T)SB”) kompaniýasynyň Baş ýerine ýetiriji direktory bolup durýar. Ol 1997-nji ýylda Amerikanyň Birleşen Ştatlarynyň Kolorado dag mekdebinde Nebit-gaz inženerçilik hünärini eýeledi we “PETRONAS” kompaniýasynda tas 30 ýyl bäri dürli tehniki we täjirçilik wezipelerinde işläp gelýär. Ol “PETRONAS” kompaniýasynyň Gözleg-agtaryş, işläp taýýarlaýyş we gazyp alyş pudagynda we Kompaniýanyň integrirlenen gymmatlyklar zynjyrynda dürli wezipeleri eýeledi, şol sanda nebiti we gazy çykarmak tehnologiýasy, korporatiw işewürlik meýilleşdirme, strategiýalary işläp düzmek we maýa goýumlary dolandyrmak, tehnologiýalary işläp düzmek we ornaşdyrmak, nebit-gaz ykdysadyýeti we aktiwleri dolandyrmak babatynda uly tejribe toplady. “PETRONAS” kompaniýasynda ol öz işini kompaniýanyň Malaýziýanyň ýarymada böleginde serişdeleri bölüp bermek boýunça inžener we gözegçilik etmek boýunça inžener wezipesinde başlady we ondan soňra, ol Kuala-Lumpur şäherinde “PETRONAS Çarigali Sdn Bhd” (“PÇSB”) kompaniýasynyň Işewürligiň strategiki meýilleşdirmesi bölüminde işewürligi meýilleşdirmek boýunça işe başlady. Mundan başga-da, beýleki eýelän wezipelerinden we iş tejribesinden başga-da, ol 2007-nji ýylda Mawritaniýada Meýilleşdirmek we işewürligi kämilleşdirmek bölüminiň başlygy wezipesinde işledi, ol ýerde ol çuň suw amallaryň ýerine ýetirilişine, gazyp almak tehnologiýasynyň ýöriteleşdirilen barlaglaryny geçirmek işlerine ýolbaşçylyk etdi; Kanadada slanes gazy we Awstraliýada kömür gatlaklarynyň metany boýunça aktiwlere gözegçilik etmek üçin “PETRONAS” kompaniýasynyň Energiýanyň adaty däl çeşmeleri boýunça bölüminiň özleşdirme we amallar boýunça başlygy we Nebit-gaz ykdysady bölüminiň Baş dolandyryjysy bolup zähmet çekdi. 2016-njy ýylyň aprel aýynda ol Strategiýalar we täjirçilik Bölüminiň gözleg-agtaryş, işläp taýýarlaýyş we gazyp alyş babatynda portfolio bölümine ýolbaşçylyk etdi; ondan soňra ol operatorlary “ExxonMobil”, “Sapura-OMV”, “Petrofac”, “EnQuest” we “Jadestone” kompaniýalary bolup durýan “PÇSB” kompaniýasynyň aktiwlerini dolandyrmak üçin Malaýziýadaky bilelikdäki kärhananyň Baş dolandyryjysy wezipesine bellenildi.